søndag 30. november 2008

Første søndag

Då har eg også åpna adventstida med å spele den første julecden. Juleplatene var ikkje så vanskeleg å finne likevel. (Eg trudde eg hadde rota dei vekk, men dei var der dei skulle vere)

   2008_11300012

Eg har strikka mykje dei siste dagane, og er omtrent ferdig med nokre gåver. Litt får de sjå her, men alt kan eg ikkje vise no før jula.

   2008_11300008

I dag har eg sett ein haug med Dickens på dvd - må ha litt underhaldning medan eg strikkar. Burde sjølvsagt ha gått ein lang tur i det fine veret vi hadde i dag, men...

     2008_11300020

Eg er glad eg er ferdig med å strikke desse prikkane. Litt lange garnhopp innimellom. Var litt treig til å få tak i alt garnet eg trengte til denne kjolen, og no ser det ut til at eg må bruke eit nøste av ei anna innfarging. Og det var ein del forskjell på fargen. Grmf! Må vel trikse litt då.

I've been knitting a lot today (and in the last week). Trying very hard to finish some presents. Since it's presents I'll only show you some details now.

     2008_11300025  

Eg har også bretta nokre fine blomstrar til pynt. Vil de også prøve? Folding Trees har oppskrifta.

These flowers look nice and are easy to make. Folding Trees have a tutorial.

     2008_11300032

     2008_11300033

onsdag 26. november 2008

echino

Var berre ute og surfa litt då eg kom over ein ny nettbutikk. Oj sann - japanske stoff på tilbod!? Hmmm....

Ei veke seinare var dei her. Og denne gongen hadde det ikkje gått så bra med konvolutten inne i postsystemet over there, så united states postal service sendte sine unnskyldningar.

Eg skjønar no kvifor andre stoffbutikkar teipar konvoluttane før dei sender dei avgarde...

Heldigvis var innhaldet på plass, og ganske uskada.

2008_11230005

2008_11230006

Stoffet er designa av Echino. Kanskje det blir ei kul bilveske etterkvart.

2008_11230008

I just happened to buy some fabric last week. Funny how that happens now and then...:)

Japanese fabrics by Echino. Maybe I'll have a nice car bag one day.

This time the envelope didn't survive the postal system, luckily nothing inside was damaged.

søndag 23. november 2008

Like før...

Ei veke til 1. søndag i advent. I går var det mange folk i sving nede i byen - travelt opptekne med å pynte julegran og julegater. Eg har trudd eg var ute i god tid i år, sidan eg begynte med to julegåver i starten av november. Men no er nesten november slutt og eg har framleis ikkje gjort ferdig noko anna enn dei to... Må nok starte planlegge litt og skrive ei liste så eg får litt oversikt her.

I dag fekk eg endeleg laga meg fårikål. Det var godt med skikkeleg middag - har vore litt sløv i det siste. Så no vert det vel den samme middagen resten av veka, til restane er oppetne :)

Som de kanskje har sett så har eg litt boksedilla - fann desse gamle kakeboksene i bruktbutikken i går.

2008_11230035 

Lys turkis og roser... då gjer det ingenting at boksa er godt brukt.

Til og med merkelappen hang på. Kva slags kaker er pleskner? Trur ikkje vi lagar dei heime.

2008_11230038

2008_11230034

Denne nasjonalromantiske boksa må eg nok fylle med Twist igjen.

2008_11230041

Dette er ei anna julegåve, så den kan eg ikkje vise meir av. Noro garn igjen, fine fargar.

heklepynt

Og her har vi litt heklepynt til. Lagar eg mange nok kan det kanskje bli ein girlander.

---------------

First Sunday in advent next weekend. Christmas is coming closer too quickly. I've only done two presents... I must plan a little and make a list.

I found two old cake tins at the thrift shop yesterday. They had to come home with me. I love the light blu/green colour and the roses.

I'm making a present in Noro sock yarn. (Can't say more about it here) It's fun to knit with the colour changes.

And another crochet ornament. They're so quick to make.

Have a nice week.

onsdag 19. november 2008

Nesten helg igjen...

2008_11190007 2008_11190009

Fekk ein idé, og hekla ein slags (jule)pynt i ettermiddag. Den er litt polstra, så det vart ei flat kule. Litt søt synest eg. Men då eg gjekk forbi kjøkkenskapet skjønte eg fort kvar fargeinspirasjonen kom frå...

Kanskje eg må ringe Green Gate og høyre om dei vil kjøpe designen min :)

Eg trur eg går for ei fargerik jul.

2008_11190011

I crocheted this little ornament today. Had to try en idea. When I passed my kitchen shelves I could see where my colour inspiration came from. It matches my Green Gate cups.

2008_11190016

Såg nokon som hadde laga ein handoodle på flickr, og eg fekk lyst til å gjere det samme. Eg likte å lage slike formar fulle med mønster før, men no var det lenge sidan sist. Er det å drodle vi kallar det? Har også laga ei grøn hand.

I saw this idea on flickr and had to try to make "handooldes". I haven't doodled like this in a while. It was fun.

2008_11190015

Og sidan det nesten er helg igjen legg eg ved ein Feist-video til. (Her kan de lære nokre danse-steg for neste gong de er på flyplass-rulleband.)

søndag 16. november 2008

messetid

   2008_11160002

I går var det den store julemessa. Eg var oppteken med åresalg heile dagen. Mykje folk, mange gevinstar, mange vinnarar. Eg har vanlegvis ikkje så mykje hell i lotteri og slikt, men eg fekk faktisk med meg ei kransekake :)

Den skal nytast litt etter litt. (Må tilstå at eg har smakt på ein ring eller to)

   2008_11160025 

   2008_11160028

Etter å ha vore på messa heile dagen var det deilig å plassere seg på sofaen i går kveld. Der fant eg denne filmen (Titanic, sjølvsagt) på ein kanal - og då var kvelden redda. Ikkje akkurat megastor flatskjerm her i stova, som de kan sjå.

Christmas fair at my church yesterday. I was busy all day helping with the lottery. I even won a "kransekake" (usually I don't win much)- my favourite cake. I will put this in the freezer and enjoy it piece by piece.

The rest of the evening was spent watching this movie. (Titanic as you can see)

   2008_11160035

Litt strikking til filmen. Dette skal bli ein kjole.

   2008_11160038

Og er har kome til siste arma på FLS-jakka mi.

And I'm knitting Christmas presents. The dotty knitting is going to be a dress. And I'm on the last arm of my purple FLS.

onsdag 12. november 2008

Månelyst...

... er det ute i kveld. Vi har til og med fint ver slik at månen kan nytast. Han stod akkurat opp når eg gjekk heim frå jobb.

2008_11120027

(Skulle berre hatt betre fotoapparat og zoom.)

Til helga er det julemesse og speidarjentene og eg har laga magnetar som vi håpar nokon vil kjøpe.

2008_11120028

Desse er veldig enkle å lage. Du treng berre glass-steinar, festleg papir/stoff, ein magnet (15 mm) og godt lim.

Klipp papiret slik at det er ca på størrelse med magneten. Lim det fast på magneten. Ha ein klatt lim oppå der og trykk fast glass-steinen.

2008_11120010

Så langt kom eg på sjalet med garnnøstet eg kjøpte i Bergen. Sjalet blei i minste laget - så no har systra mi i Bergen fått i oppdrag å skaffe meg eit nøste til.

Dette er forreasten det mest ruskete garnet eg har vore borte i. Frykteleg mykje kvist og kvas inni tråden synest eg.

2008_11120033

Nesten ferdig med ei julegåve. Det skal bli ei jakke som de ser.

Og sidan det snart er helg igjen sluttar eg med musikk. Denne har eg hatt på hjernen i det siste. Dama som syng er canadisk og kallar seg Feist.

Ein fargeklatt av ein video - noko å prøve i gymtimen...

mandag 10. november 2008

Ny veke - og ein vinnar

Internettoppkoblinga virka ikkje i går, så no prøvar eg frå jobb. Spent på om ting virkar i dag når eg kjem heim.
Etter favorittkvelden blei det ei roleg helg. Ei lita forkjøling og dårleg ver gjorde at det blei mest inneliv.
Men eg fekk trekt ein vinnar av 200-innleggs-overraskinga mi. Det blei Tove. Gratulerer til deg, snart kjem det noko i posten.
Takk til alle som kommenterte då og ellers (eg sett veldig pris på alle kommentarar).
I kveld er det korøving, og øving på julekonsertmateriale. Det blir nok mest Bach tenker eg. Vi skal synge ein sats frå juleoriatoriet og den gjekk fort og på tysk.
Lurar på om eg har stykke på ein cd ein plass... Berre eg kunne hugse kvar eg la julecd-ane då eg rydda dei vekk i januar... (Utruleg at eg kan klare å gøyme ting så godt på mi lille stove!)
Eg fekk gjort litt handarbeid i helga også. Prøver veldig hardt å prioritere julegåvene no, men som det alltid er når ting bør bli ferdig snart - altfor mange andre idéar dukkar opp.
Så då gjeld det å oversjå impulsen til å begynne på noko nytt.
Ha ein fin mandagskveld.
(Bilder frå Dover)




fredag 7. november 2008

favorittkvelden

Vi har lært om vekedagane i engelsktimane dei siste vekene. Då var også ei oppgåve å fortelle om sin favorittdag. Sjølvsagt lurte elevane på kva som var min favorittdag.

Det er ein kombinasjon av fredags kveld (to dagar fri framfor meg, jippi!) og laurdags morgon (treng ikkje stå opp tidleg, framleis mykje igjen av helga).

Mellom elevane var det mykje laurdagen som var favorittdagen - då er det laurdagsgodt. Men det var litt søtt med dei som sa at mandagen er favoritten for då er det skule og dei treffer meg igjen. (Ja, det er kjekt å ha 2. klasse, dei er flinke med komplimentane.)

Kva er din favorittdag?

Eg har lenge beundra diverse sommerfuglbilder ute i den store verda (sett på flickr og andre stader). Når eg var liten kalte eg sommarfuglar for blomsterfuglar.

Så eg kjøpte meg ein stor somarfugl-utstansar (eller kva er det dei heiter) for ei stund sidan. Onsdag fann eg fram litt papir og "stansa" i veg.

2008_11050003

Hadde ei ramme liggande også, frå den gongen idéen første gong dukka opp i hovudet, og limputer hadde eg også. Det einaste eg ikkje hadde var kvit kartong til bakgrunnen, så det blei lysegrått.

2008_11050006

Slik blei det. (Beklager eit litt dårleg blitsbilde.)

Noko anna eg lenge har tenkt eg skulle lage meg er eit strikkepinne-etui. Jammen fekk eg ikkje snekra saman eitt i ettermiddag.

2008_11070008

Kjekt å få brukt stempla mine også, sjølv om kommaet måtte tegnast på frihand.

2008_11070010

2008_11070013

Ser tydeleg at det er 3,5 pinnane som oftast vert borte når eg treng dei - der har eg supplert med opptil fleire sett. 2 mm hadde eg visst ikkje, men det er greitt med ei lomme til anna tilbehør også fann eg ut. Dessutan er det ille nok å strikke med 2,5 mm.

Ha ein fin fredagskveld og ein avslappande laurdagsformiddag.

----------------------------------

My class has been learning the names of the weekdays in English lately. When talking about their favourite day, they asked about my favourite. Friday evening is my favourite evening - looking foreward to two days of not working. (Even though I have a very nice job, I must say). And I like Saturday morning - sleep a little longer, still the beginning of the weekend.

I like butterflies, and made this butterfly collage this week. (Have seen many like this around).

I also got round to making myself a knitting needle case today. All these years of knitting and sewing and I haven't made one before... Allmost embarrassing.

Have a nice weekend.

tirsdag 4. november 2008

tysdagsfargar

2008_11040017

Nei, eg har ikkje gått berserk i garnbutikken. Eg har handla inn til skulen i dag. Der (også) er strikkeinteressa på topp. Eigentleg var det svart garn eg skulle ha, men det var det tomt for. Dei var ganske slukne hyllene på Spar kjøp i dag.

Men eg fekk med meg nokre nøster likevel. Får vel gå innom om eit par dagar og sjå om resten av fargane er på plass.

I ettermiddag vart eg inspirert av lappane eg kutta i helga. Det blei ei veske til slutt, - og eg har berre eit par hundre lappar (ca) igjen :)

Eg kom så godt i gang at eg gløymde å fore veska i farta, men eg trur ho virkar fint likevel. Det blir ei forsinka bursdagsgåve til mamman til Priscilla.

2008_11040021

I bought lots of yarn today, as you can see. But luckily it is not for me (I have enough right now), but for my school. There's a lot of knitting going on there too. I was really looking for black yarn, but there was nothing left so I got these colours instead :) I'll find the black later.

I used some of the squares i cut on sunday this afternoon. A late birthday bag for my niece. I still have hundreds (or something like that) squares left... Maybe I'll make more bags like this one.

søndag 2. november 2008

...søndagskvelden...

...Issj, det er så vanskeleg å finne på tittel på desse innlegga...

Snart er denne helga også over. Nydeleg haustver her i dag, og eg gløymte sjølvsagt fotoapparatet då eg gjekk på tur.

Etter tunfiskgratengen til middag dykka eg litt ned i restehaugen og stofflageret ellers og kutta nokre kvadrat. Mulig at det blir ei lappeveske (eller ti - det vart litt mange lappar etterkvart...). Planane er ikkje så veldig klare, men eg kjem sikkert ikkje til å bruke alle mønstra saman. Me får sjå... Synes det manglar litt gult/oransje her også.

2008_11020007

2008_11020002

Ja da, endå eit strikkeprosjekt. Har ikkje fått leita fram dei gamle skjerfa mine - så istaden strikkar eg eit nytt. Prøver meg på Baktus-skjerfet.

2008_11020009

No er det visst på tide å rydde opp etter middagslaginga. Ha ein fin kveld.

I dived into my fabric stash (scraps & newer fabrics) and cut up some squares this afternoon. I'm sure I can use these for something. Maybe a bag (or ten...)

I've also started on a scarf.

Have a nice Sunday evening :)

--------------------------------------

Ps. Eg har visst eit lite jubileum i dag.

Når eg teller etter visar det seg at dette er innlegg nr 200! Ikkje så verst, skal eg få lov å seie det sjølv :)

Det må vi vel feire litt. Legg igjen ein kommentar her før fredag, så er du med på trekninga av ein liten premie.

This is my 200th post! Leave a comment before Friday, and you may win a little surprise :)

lørdag 1. november 2008

God helg

Det er ein roleg laurdagskveld her i garden. Så då kan eg vise dykk kva eg har funne på bruktbutikkane i det siste.

Måtte ein tur til Sørlandsparken i går (måtte ha limpistolar og eit par kilo smeltelim til skulen). Så då tok eg ein liten tur innom Fretex også. To ting fann eg der. Denne teboksa, som nok kan vere ganske gammal. Mazawattee var eit engelsk tefirma som hadde glanstida si for ca 100 år sidan. Dette bildet var ein slags logo.

2008_11010055

2008_11010058

Og så fann eg denne Egersund-skåla. Roser og turkis! Då var eg fornøgd.

2008_11010061

2008_11010064

Denne russiske skåla fann eg for ei stund sidan. Den hadde eit lite hakk, men er fin likevel, og absolutt verdt 40 kr for meg.

2008_11010069

2008_11010065

Eg synest det er spennande med verdsrommet og slikt, så desse samlekorta med måneferdmotiv var artige. Eg må kanskje finne ei litt større ramme til dei, sjølv om denne også har sin sjarm. Den må visst berre reparerast litt.

2008_11010048

Denne boksaer ikkje gamal, (men den er raud med prikkar) Eg synest den passa fint til banda mine.

 2008_11010044

I sollyset i dag gjorde eg ferdig pianoveska til niese Kine.

      2008_11010071 

Ønsker alle ein fin søndag.

LinkWithin

Related Posts with Thumbnails